26 نوفمبر 2007

أحلى الأوقات


تفاصيل صغيرة.. ولكنها تدخل على القلب أكبر سعادة

أوقات قصيرة.. ولكن ذكراها تمتد عمرا بأكمله

أناس قليلون.. ولكنهم بسكان العالم كله

رغم أن الحياة لا تخلو من "فصولها البايخة".. إلا إنني أعتقد أننا نستطيع استعادة السعادة التي نفتقدها.. تلك السعادة الهادئة، غير المتشنجة، التي تتسلل لتحتل مساحة أكبر من روحك كل دقيقة تقضيها من هذه الأوقات الحلوة

عشر دقايق (رغي بنات) بعد صلاة العصر
شوبينج في سيتي ستارز، وصرف حتى الإفلاس التاااام
بولة آيس كريم في لسعة البرد الخفيفة
كيكة بالشوكولاته السخنة.. وأكل حتى الإغماء
غطس في البحر (بهدومك) وسط (شلة) مجانين

والأهم والأروع من هذا كله أن تشعر أن وجودك يشكل فارقا في حياة بعض الناس.. وأنك تستطيع ببعض اللمسات أن تدخل على قلوبهم بعض السعادة.

كلام غير مرتب ؟ أعرف ذلك.. ولكنني أيضا أعرف أنكم تفهمونه.. وتشعرون به

هناك 20 تعليقًا:

احمد رفعت يقول...

عارفه يا شرين
اروع حاجه في الدنيا حياة الجنون
انا شخصيا من عشاق الجنون بس بقالي كتير متجننتش كما يجب ان يكون بس هجنن ان شاء الله ..

بصى عيشى الحياة يوم بيوم فاليوم لن يعود بس وانت ماشية اغرفي حسنات طول ما انت ماشية ....


تحياتي ع البوست الساقع في عز البرد

مصـ( الخير )ـعب يقول...

مش مترتب ايه بس يا كابيرة،
ما هو متروق أهو ومتطبق ومتستف كويس في الدرفة اليمين بتاعته جو القلب :)

ما أملكش غير كلمة واحدة أقولها..

"أحلى الأوقات" :)

غير معرف يقول...

أجمل حاجة يا شنشن بولة الايس كريم "أبو فرو" اللى بتأكليهاني ب10 جنيه بجد حياتي معاكي مختلفة جدااااااااااااااااااااااااااااااااااااااااااااا

الحلم العربي يقول...

أمثلة جميلة لأحلى الأوقات ...بس مش أي حد بيحس بيها ...لازم يكون نقى من جوة علشان يقدر ينتهز الأوقات دي لأنه عارف ان أحلى الأوقات دي مش كتيرة و لازم نحس بيها كويس أوي

تحياتي
صحيح بتتأخري علينا لكن كل مرة بتيجي ببوست أجمل من اللى قبله
ربنا يجعل أوقاتك كلها حلوة

ديمة يقول...

ربنا يسعد قلبك ياشيرين

مش هاقولك غيرها مش بخل لكن لانها اهم من اى حاجة تانية

Lobna يقول...

بجد يا شيرين بتهزري! ايه ده يا بنتي!!

sabrina يقول...

عصير مانجه ساقع.......في عز الشتا
فعلأ بتبقي حاجات بسيطه بس بتمتعنا!
بوست أحساسة عاااااالي!

RAMA يقول...

يا أوقاتك يا شيرين

يا بوستاتك يا شيرين

بجد حلو أوي أوي.. انا بموت في اللحظات اللي من النوع ده بس مشكلتها إنها بتمر بسرعة البرق

ربنا يسعدك ويكتر من احلى أوقاتك ويبارك في شلة المجانين

يلا.. سلامات

علي عبد المنعم يقول...

رائعة أوقصوصية تدوينية جديدة من زميلة الغرفة..

فعلاً.. صدقت الصبوحة حين قالت:
ساعات ساعات.. ساعات ساعات.. أحب عمري وأعشق الحاجات..

فعلاً كانت لحظات سعيدة لما أنا طلعت استلم شهادة التخرج وزميلة الغرفة ورايا تستعد لكي تستلم شهادتها..

أجمل لحظات الحياة فعلاً.. شكراً على تعليقات من سبقوني..

غير معرف يقول...

عايزين رأيكم لو سمحتم
http://who-is-wael-abbas.blogspot.com/

أحمد القطب يقول...

انت ازاي تسمحي لنفسك تغطسي في البحر بهدومك وسط شلة مجاذيب ؟ ايه التسيب ده ؟

إيمان الميهي يقول...

شيرين
حساكي دماغ بجد
بصي أنا من يوم ما دخلت على بلوج أحمد رفعت و داليا و خلاص باعتبر صحابهم صحابي
عافية :)
فكرتيني ببوستين كنت كاتباهم في مدونتي زمان
http://beboworled.blogspot.com/2007/04/blog-post_4712.html



ــــــــــــــــــــ

http://beboworled.blogspot.com/2006/11/blog-post_116484161606321989.html
ـــــــــــــــــــــــــــــــــ
معلش والله انا عارفة انه الدخلة رخمة شوية بس انتي عملتي لي دماغ
أجمل اللحظات ما نستعيد فيها طفولتنا و ننطلق على طبيعتنا تماما بحسابات الاستمتاع باللحظة مع أصدقاء مقربين أو ناس فاهمين ده
مهم جدا الناس تفهم إننا مش مطالبين طول الوقت نكون بعقلنا محتاجين لحظات انطلاق و لعب طالما لا نخرج عن حدود الحلال و الحرام فإيه المانع
أحييكي بجد

SAKAyAR يقول...

هو صحيح الكلام مش مرتب لكن بجد أجمل حاجة فيه انه طالع من القلب ... طالع ع الطبيعة ... وهيه دي أجمل حاجة فينا لما نحب نفرح ونسعد نفسنا واللي حوالينا ... نلعبها كده زي ما هية مش لازم نذوقها
كلام محسوووووس أوي
تحياااااتي

محمد السيد..مش حاسكت يقول...

لو كل أوقاتنا كده .. حتبقي بجد أحلي الأوقات ....

وأحلي الأوقات .. في أي مكان .. هي اللي مع أحلي الأحباب .....


اللهم كما جمعتها في الدنيا بأحبابها في أحيل الأوقات .. فاجمعها معهم مع النبي محمد -صلي الله عليه وسلم- في جنات النعيم ...

Salma Amer يقول...

طبعا فاهمين الكلام دة يا شري وحاسينه قوي
احيانا لاحظات بسيطة وغير مرتب لها بتكون الأحلى والأصدق
زي مثلا خروجة شلة صحاب مع بعض ويضحو من لقلب لغاية ما يقطعوا النفس
ولا رغي اتنين في العربية ويكتشفوا انهم بيكملوا كلام بعض من كتر ما همها متشابهين

انت عارفةلما اروق كدة واخد كتاب في ايد و مج شاي في ايد واقعد في البلكونة دة بالنسبة ليا احلى الاوقات
بالرغم من بساطتها
تحياتي لشري اللي بتفهمني من غير ما تكلم

NIDAAL PAL يقول...

ياااااه .. الجنون
احب و اعشق كل ما هو مجنون وغير منطقى
عندما يظن الناس انه من المستحيل فعل هذا ... افعله كى ابرهن لهم انه لا يوجد مستحيل
و انا حر ما دام فى حدود الادب الاسلامى
مدونة رائعة و بوست ممتاز
و على فكرة الى شدنى فى البوست هو الكلام الغير مرتب
عارفة ليه ؟
لانه خارج بتلقائية شديدة منك
برفكت

السيد شبل يقول...

اهم حاجه الايس كريم فى السقعه

3ayash يقول...
أزال المؤلف هذا التعليق.
3ayash يقول...

والأهم والأروع من هذا كله أن تشعر أن وجودك يشكل فارقا في حياة بعض الناس.. وأنك تستطيع ببعض اللمسات أن تدخل على قلوبهم بعض السعادة


دى احلى حاجة فى الجنون اللى قولتيه دا كله اه احنا احيانا بنكون مجانين

ودا احيانا يعنى منقلبش حياتنا كلها جنون ولا ايه

camellia يقول...

يارب كتر التفاصيل الحلوة في ايامك
وكل سنة وانتي بخير