11 يوليو 2006

منورين والله

أخيرا أخرج عن صمتي.. وأكتب في مدونة بحالها عن نفسي وآرائي من غير ما أشيل هم رأي فلان وانتقاد علان...
تصدقوا بالله الصحفي ده أكتر واحد في الدنيا محتاج للمدونة رغم انه عنده الدنيا كلها يكتب فيها.. أنا عن نفسي (احنا مش اتفقنا اني هتكلم عن نفسي) بخاف لحد دلوقتي أكتب مقال رأي، لأني ببساطة بقول يعني أنا بنت مين في مصر عشان أكتب رأيي، وعشت الكام سنة صحافة في تحقيقات وسيرش وترجمة.. واحتفظت بآرائي لنفسي...

لكن خلاص.. كده كله تمام.. ومن هنا ورايح كل يوم هتلاقوا قصص من حياتي، وحياة أصحابي، فكرة مرت في دماغي، حاجة خنقتني من الدنيا... إلخ


سلام مؤقت